Shu yilning 20- oktabr kuni Xorazm viloyati statistika boshqarmasida O‘zbek tili bayrami munosabati bilan xodimlar ishtirokida seminar tashkil etildi.
Tadbirda boshqarmaning davlat tilida ish yuritish bo‘yicha mas’ul mutaxassisi N.Samandarova 1989- yilning 21- oktabrida qabul qilingan “Davlat tili to‘g‘risida”gi hamda “Lotin tiliga asoslangan oʻzbek alifbosini tuzish toʻgʻrisida”gi O‘zbekiston Respublikasi (1993-yil 2-sentabr ) qonunlarining qabul qilinishi bilan mamlakatimizda amalga oshirilayotgan til sohasidagi islohotlarning yo‘nalishlari yuzasidan ma’lumotlar berib o‘tdi.
Boshqarmada lotin yozuviga asoslangan o‘zbek tilida ish yuritish borasida amalga oshirilayotgan ishlar, xodimlar o‘rtasida davlat tilida ish yuritish qoidalar bo‘yicha ko‘nikma va malaka oshirishga qaratilgan chora-tadbirlar yuzasidan fiurlar bildirildi.
Shu bilan bir qatorda seminarda millatning kelajagi tilning taraqqiyoti va kelajagi bilan bevosita bog‘liqligiga alohida to‘xtalib, jahon tillarining tarkibi va holatiga doir so‘nggi statistik axborotlar keltirildi.
Axborot xizmati