2021- yilning 12- iyul kuni Xorazm viloyati statistika boshqarmasida O‘zbekiston Respublikasi Vazirlar Mahkamasining “Lotin yozuviga asoslangan o‘zbek alifbosiga bosqichma-bosqich to‘liq o‘tishni ta’minlash chora-tadbirlari to‘g‘risida” 2021- yil 10- fevraldagi 61-son qarori hamda Bosh Vazirning 2021- yil 1- iyuldagi 30/1-2308-sonli xatidagi topshiriqlarning ijrosini ta’minlash masalalariga bag‘ishlangan yig‘ilish bo‘lib o‘tdi. Yig‘ilishda boshqarma rahbariyati va barcha tarmoq bo‘lim boshliqlari ishtirok etishdi. Boshqarma boshlig‘i v.v.b. U.Bardiev tomonidan yuqoridagi qaror va topshiriqning mohiyati va ulardan kelib chiqadigan vazifalar, xususan, viloyat statistika boshqarmasi va uning hududiy bo‘limlarida joriy yilning 1- avgustiga qadar peshlavhalar, ommaviy targ‘ibot vositalari, barcha ish yuritish qog‘ozlari - rasmiy ish yuritish hujjatlari, xatlar, buyruqlar, byulletenlar va turli blanklarning lotin yozuviga asoslangan o‘zbek alifbosida bo‘lishini ta’minlash bo‘yicha zarur ko‘rsatmalar berildi.
Davlat tilida ish yuritilishi uchun mas’ul xodim N.Samandarovaga barcha hujjatlarning imlo va ish yuritish qoidalariga mosligini tekshirish, shuningdek, boshqarmaning ma’muriy binosida mavjud peshlavha va targ‘ibot vositalarini davlat tili qoidalariga mosligi hamda lotin yozuviga asoslanganligini tahliliy o‘rganish va natijasi yuzasidan rahbariyatga axborot berish bo‘yicha tegishli topshiriqlar berildi.
Axborot xizmati