2024- yilning 13- aprel kuni Xorazm viloyati statistika boshqarmasida xodimlarning huquqiy madaniyatini yuksaltirish va ularning qonunchilikdagi yangiliklardan xabardorlik darajasini oshirishga qaratilgan seminar bo‘lib o‘tdi.
Tadbirda asosiy mavzu “Yoshlarga yer ajratish orqali ularning daromadlarini oshirish va bandligini ta’minlash, shuningdek, yangi yer maydonlarini o‘zlashtirish chora-tadbirlari to‘g‘risida”gi PQ -153-sonli Prezident Qarorining targ‘ibotiga bag‘ishlandi.
Boshqarma bosh yuriskonsulti I.Otajonov joriy yilning 5- aprelida qabul qilingan mazkur qaror bilan qishloq xo‘jaligida yer va suv resurslaridan samarali foydalanish orqali oziq-ovqat ekinlari yetishtirishni ko‘paytirish, bunda asosan yoshlarning bandligini ta’minlash asosiy maqsad etib belgilanganligi haqida tushuntirish berib o‘tdi.
Axborot xizmati